የመንግሥት ሚስጥራዊ መረጃዎችን ለመመደብና ጥበቃ ለማድረግ የሚያስችል የአሠራር ሥርዓት ባለመዘርጋቱ በብሔራዊ ደህንነትና ጥቅም ላይ አሉታዊ ተፅዕኖ እየተፈጠረ በመሆኑ፤ የመንግሥት ሚስጥራዊ መረጃዎችን ለመመደብ፣ ደረጃቸውን ለመወሰንና በየወቅቱ ለማሻሻል የሚያስችል የአሠራር ሥርዓት መዘርጋት አስፈላጊ ሆኖ በመገኘቱ፤

የተመደቡ የመንግሥት ሚስጥራዊ መረጃዎች በሕገ- ወጥ መንገድ ይፋ እንዳይሆኑ፣ እንዳይጠፉ፣ እንዳይበላሹ፣ እንዳይለወጡ እና እንዳይተላለፉ ተገቢውን ጥበቃ ማድረግ በማስፈለጉ፤

በሀገሪቱ የመንግሥት ሚስጥራዊ መረጃዎችን ለመመደብና ጥበቃ ለማድረግ የሚያስችል ግልፅ፣ ወጥ እና ተጠያቂነት የሰፈነበት ሥርዓት መዘርጋት አስፈላጊ ሆኖ በመገኘቱ፤

የሚኒስትሮች ምክር ቤት በብሔራዊ መረጃና ደኅንነት አገልግሎት አዋጅ ቁጥር 804/2005 አንቀጽ 28(1) እና በመገናኛ ብዙሃንና መረጃ ነፃነት አዋጅ ቁጥር 590/2ሺ አንቀጽ 37(2) መሠረት ይህን ደንብ አውጥቷል።