አስተማማኝ የሆነ የኮቪድ-19 ክትባት ወይም ህክምና እስኪገኝ ድረስ ተገቢውን ጥንቃቄ በማድረግ ተዘግተው የነበሩ የትምህርትና ሥልጠና ተቋማትን በመክፈት የተቋረጠውን ትምህርትና ሥልጠና እንደገና ማስቀጠል በማስፈለጉ፤
የኢፌዴሪ ሕዝብ ተወካዮች ምክር ቤት ጤና ሚኒስቴር ባቀረበው ምክረ ሃሳብ መነሻ ትምህርትና ሥልጠና ተቋማት በቂ ዝግጅት አድርገው ተገቢ ጥንቃቄዎች በመውሰድ፣ ክልከላዎችንና ግዴታዎችን በማክበር እንዲከፈቱ ባስቀመጠው አቅጣጫ መሠረት ተቋማቱ እንዲከፈቱ ለማድረግ የሚያስችል መመሪያ ማውጣት አስፈላጊ ሆኖ በመገኘቱ፤
ሁሉም የትምህርትና ሥልጠና ተቋማት እና የሚመለከታቸው ባለድርሻ አካላት ተቋማቱ መልሰው ሲከፈቱ የሚኖሩ ለውጦችን ተገንዝበው የአሠራር ማስተካከያ እንዲያደርጉ ወጥ መመሪያ ማዘጋጀት በማስፈለጉ፤
የሳይንስና ከፍተኛ ትምህርት ሚኒስቴር በአዋጅ ቁጥር 152/201 እና በአዋጅ ቁጥር 954/2008 መሠረት ይህን መመሪያ አውጥቷል፡፡
