ተጠቃሚዎች ወይም ሸማቾች ለሚያከናውኑት ግብይት ደረሰኝ በመጠየቅና በመቀበል ለግብር/ታክስ አሰባሰብ የሚረዳ መረጃ ለመሰብሰብ የሚደረገውን ሥራ ለማገዝ እንዲችሉ ደረሰኝ የመቀበል ባህል እንዲያዳብሩ የሚያደርግ ሥርዓት መዘርጋት አስፈላጊ በመሆኑ፣
በሚኒስትሮች ምክር ቤት ደንብ ቁጥር 139/1999 አንቀጽ 22 በተሰጠው ሥልጣን መሠረት የሽያጭ መመዝገቢያ መሣሪያዎችን አጠቃቀም በሚመለከት ባወጣው መመሪያ ቁጥር 46/1999 (እንደተሻሻለ) አንቀጽ 33 በሽያጭ መመዝገቢያ መሣሪያዎቹ የሚታተሙ ደረሰኞች ሽልማት የሚያስገኝ እጣ ኖሯቸው የዕጣውን አሸናፊ የሽልማት ተጠቃሚ ስለሚያደርጉበት ሁኔታ በዝርዝር መመሪያ እንደሚወሰን የተመለከተ በመሆኑ የኢትዮጵያ ገቢዎችና ጉምሩክ ባለሥልጣን ይህን የአፈጻፀም መመሪያ አውጥቷል፡፡
