ኢትዮጵያ የቴሌኮም ኢንዱስትሪ ገበያን ለአገር ውስጥ እና ለውጪ አገር ባለሃብቶች ክፍት እንዳደረገች ይታወቃል። በዚህም ምክንያት በመንግሥት እጅ የቆየው ሴክተር ላይ ከአንድ በላይ የሆኑ የቴሌኮም ኦፕሬተሮች እንዲሁም ሌሎች አገልግሎት ሰጪዎች ይሳተፋሉ ተብሎ ይጠበቃል።

በዚህም ምክንያት በአገልግሎት ሰጪዎች መካከል የሚፈጠሩ የቴሌኮምኒኬሽን ኔትዎርከ ኢንተርኮኔክሽንን የተመለከቱ ጉዳዮች ጎልተው ይወጣሉ። በኮምኒኬሽን አገልግሎት አዋጅ ቁጥር 1148/2012 አንቀ 6(13) እና 43 (1) ላይ በኦፐሬተር/አገልግሎት ሰጪ አካላት መካካል የሚፈጠር የኢንተርኮኔክሽን ሁኔታ ምን መልክ ሊኖረው እንደሚገባ ጠቅለል ባለ መልኩ ተቀምጧል፡፡

እነዚህን አጠቃላይ ድንጋጌዎች ወደ መሬት ለማውረድ እና በኦፕሬተሮች/አገልግሎት ሰጪዎች መካከል ተገቢ የሆነ የኢንተርኮኔክሽን ስርሃት እንዲዘረጋ በዘርፉ ዝርዝር ድንጋጌዎችን ማወጣት ያስፈልጋል፡

ይህን መሰርት በማድረግ የቴሌኮምኒኬሽን ኔትዎርክ ኢንተርኮኔክሽን መመሪያ የተዘጋጀ ሲሆን ይህም በዘርፉ ውጤታማ ስራን መሥራት ያስችላል ተብሎ ይታመናል።