የስብስብ ማእከሎች የሌላቸውን የቅርስ አይነቶች ከሌሎች አቻ ማእከሎች ወይም ሙዚየሞች ጋር በመዋዋስ ፣በመደጋገፍ
እና የወዳጅነት ትስስርን በመፍጠር ለሚፈልጉት ዓላማ ማለትም ለጥናትና ምርምር፤ ለዐውደ ርዕይ፤ ለትምህርትና ለመሳሰሉት መጠቀም አስፈላጊ ሆኖ በመገኘቱ፤
የስብስብ ማእከሎቹ ለጐበኚዎች ከሚሰጡት አገልግሎት በተጨማሪ በተለያየ አገር አቀፋዊና ዓለም አቀፋዊ ግንኙነታቸው ወቅት ቅርስን በጊዜያዊነት ሊዋሱና ሊያውሱ እንደሚችሉ የታወቀ በመሆኑ፤
በአቻ ተቋማት መካከል የቅርስ ውሡት ሂደትን በተቀላጠፈ ሁኔታ በሕግ ማዕቀፍ ላይ ተመስርቶ ለማካሄድ የሚያስችል አሠራር መፍጠር አስፈላጊ ሆኖ በመገኘቱ፣
በአዋጅ ቁጥር 209/1992 አንቀጽ 46 ንዑስ አንቀጽ 2 መሠረት ይህ መመሪያ ወጥቷል፡፡
